غناوي وشتاوي عالأقسام

مازالن لقسام ايلطن ##### انظر وين عزيز ايحطن

سديت ونا رافع عيني ##### بالك يا قسم اترضيني

ان شاء الله بعد ياسات ##### يقسم عزيز ويروق خاطري

إن كان رايد الله ##### يقسم عزيز ويروق حالنا

تى انريدك اتهون اتغلا ##### بالله يا عزيز ايش درتلي

قسمية عقلي العطيبة ##### عارفا ماعد تجيبه

يا الاقسام تعلمتنها ##### كي نكرب رمه ترخنها

ايجيب مايجيب قسم ##### واخذ عزاز مايجيب كيفهم

تى اجعل عزيز يامولاي ##### امفيت لى موقاسم لحد

يالقسام اشبوب عطني ##### كي هالخلايق عدني

مادارن حساب القسم ##### يجارن فراحه بالغلاء

اللى اسعده كيف اسعدي ##### ايواطي انظرا عالصوب خيرله

اطناش وثمان اسنين ##### عزيت في عزيز وما قسم

اصحاب الغلا يا عين ##### نصيب غيرنا فيهم غلب

نراجى والمرجى لله ##### يجيب عزيز انعيش معاه

ياقطاع قسامي غيرك ##### كيف يطاوع فيك ضميرك

ديما اقبال العين##### عزيز لا توارى لا اقسم

###############

وألي عنده أيزيدنا الله يبارك فيك